MARIING itinanggi ng staff ng programang It’s Showtime na nakausap namin ang isyung iiwanan na ng Hashtags member na si Ronnie Alonte ang grupo na nabuo sa kanilang show.
Aminado ang source na si Ronnie ang masasabing pinakasikat sa grupo, kaya pinutakti sila ng tawag mula sa viewers kung kailan siya babalik sa grupo,
Nag-umpisa ang isyung aalis na ni Ronnie ang Hashtags dahil sa Instagram post mismo ng actor na mami-miss niya nang husto ang mga kasamahan sa grupo.
ALAMIN: Pregnancy and Infant Loss Remembrance Day, kailan nga ba nagsimula?
“Mga ‘tol! Mami-miss ko kayo. Hindi ko maintindihan panahon, eh, Nakanganga lang naman ako ngayon pero wala ako diyan sa inyo! Love you, mga p’re!” bahagi ng post ni Ronnie.
Lalong nadagdagan ang pag-aalala ng mga tagahanga na iiwanan na ni Ronnie ang grupo niya dahil sumipa na ang showbiz career niya as a solo artist.
Parehong kumita ang dalawang MMFF movie ni Ronnie na Seklusyon at Vince & Kath & James.
Busy rin siya ngayon sa primetime series na A Love To Last.
Pero ayon sa kausap namin, tiniyak sa kanila ng management ni Ronnie at ng actor mismo na hindi nito iiwanan ang mga kagrupo niya. Sinabi raw ng actor na sa Showtime siya nag-umpisa noong wala pang nakakakilala sa kanya, kaya mananatili raw siya sa programa at sa grupo niya.
“Nag-start ako sa Showtime na walang-wala po talaga ako. Sila ang nagbigay sa akin ng exposure sa showbiz, so hindi ko po talaga iiwanan ang grupo. Kumbaga, sila ang nakasama ko sa simula pa kaya wala akong balak na umalis sa grupo,” banggit ni Ronnie. (Jimi Escala)
