Kasabay ng kapistahan ng Sto. Niño, kalunus-lunos ang sinapit ng bagong silang na sanggol na nakitang palutang-lutang sa isang creek sa Quezon City, kahapon ng madaling araw.
Sa ulat ng Quezon City Police District (QCPD), bandang 4:30 ng madaling araw nang bumulaga sa mga nangangalakal ng basura ang bangkay sa Barangay Pasong Tamo, Quezon City.
Agad nila itong ipinagbigay-alam sa barangay at sa pulisya na nag-imbestiga upang malaman kung sino ang nag-iwan sa sanggol.
Ayon sa mga nakadiskubre, ang sanggol ay ibinalot sa kapirasong damit na ginawang lampin. (Jun Fabon)
National
