NAPAPABALITA na sina Lea Salonga at Martin Nievera ang kakanta sa Miss Universe pageant sa January 30, pero itinanggi ito ni Lea.
Sabi niya, hindi siya naka-book para mag-perform sa Miss Universe. Bukod dito, out of the country siya sa nasabing petsa.
“Someone has made a mistake,” aniya.
Pinay green card holder na 50 taon na sa US, hinuli ng ICE matapos magbakasyon sa ‘Pinas
Hindi pa kinukumpirma o itinatanggi ni Martin ang balita. Busy na siya sa pagpo-promote ng Valentine’s Day concert nila ni Lani Misalucha sa Solaire. Dadalhin din daw sa Cebu ang concert ng dalawa.
Pero kung ibabatay sa post ng Powerhouse Philippines, hindi magpe-perform ang sinuman kina Lea at Martin sa Miss Universe. Ang in-announce ng Powerhouse, sina Sarah Geronimo, Bamboo at Jed Madela ang performers, pero sa special events at hindi sa coronation night.
Hayan, malinaw ‘yan, sa special events performers ang tatlo. Wala pang ina-announce na performer sa coronation night. Pati ang magiging Filipina co-host ni Steven Harvey ay sekreto pa rin. (NITZ MIRALLES)
