Nahaharap sa kasong aborsiyon ang isang waitress nang aminin nitong inilaglag niya ang sanggol sa kanyang sinapupunan, kamakalawa ng hapon.
Kasalukuyang naka-confine sa Ospital ng Maynila ang suspek, 26, ng Pandacan, Maynila matapos niyang ipalaglag ang magli-limang buwang gulang niyang anak.
Sa ulat ni Det. Jonathan Bautista ng Manila Police District (MPD)-Crimes Against Persons Investigation Section (CAPIS), dakong 1:20 ng hapon nang madiskubreng patay na ang sanggol ng biktima.
Nang kapanayamin ng mga pulis, inamin ng suspek na dakong 9:00 ng gabi noong Enero 2, 2017, habang siya’y nagtatrabaho sa isang restaurant sa Buendia, Makati City, ay uminom siya ng pampalaglag. (Mary Ann Santiago)
