May 785 bagong HIV/AIDS infection sa bansa ang naitala ng Department of Health (DoH) nitong Nobyembre, kabilang ang isang 6-anyos na lalaki, limang buntis at 21 namatay.
Batay sa ulat ng HIV/AIDS & ART Registry of the Philippines (HARP), 89(%) porsiyento o 672 kaso ang asymptomatic o walang sintomas nang madiskubre habang 86 ang nahulog na sa AIDS. Ang 96% o 727 sa mga biktima ay lalaki at 31 ang babae.
Isang anim na taong gulang na lalaki ang nasalinan ng sakit ng kanyang ina, 220 ang nasa 15-24 taong gulang, 396 ang may edad 25-34, at 18 ang nasa 50 anyos pataas.
Limang buntis ang napabilang sa bagong kaso ng HIV/AIDS -- tatlo sa Metro Manila, isa sa Region 7, at isa sa CARAGA Region.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Ang 732 kaso ay nahawa dahil sa pakikipagtalik, 25 dahil sa pakikigamit ng karayom ng kapwa drug users, at isa ang mother to child transmission o nahawa sa kanyang ina.
Pinakaraming kaso ang nataila sa National Capital Region (NCR), na may 301 kaso o 40%, sumunod ang Region 4A (108 o 14%), Region 3 (73 o 10%), Region 7 (72 o 10%), at Region 11 (47 o 6%). (Mary Ann Santiago)
