Malaki ang posibilidad na sa pagamutan ipagdiriwang ni Manila Mayor Joseph “Erap” Estrada ang Pasko ngayong araw, matapos na hindi siya payagan ng kanyang mga doktor na lumabas na ng Cardinal Santos Medical Center sa San Juan City.
Ayon kay Sen. JV Ejercito, mahigpit ang tagubilin ng mga doktor ng alkalde na manatili muna ito sa ospital para makaiwas sa mas malalang impeksiyon.
Matatandaang na-confine ang dating Pangulo matapos dapuan ng pneumonia at dahil sa bahagyang impeksiyon sa baga.
(Mary Ann Santiago)
