1 ginto sa bawat NSA sa SEA Games-Balita

HINAMON ni Philippine Sports Commission (PSC) Chairman William ‘Butch’ Ramirez ang mga lider ng national sports association (NSAs) na magbigay ng kahit isang ginto sa kampanya ng Team Philippines sa 29th Southeast Asian Games sa Agosto sa Kuala Lumpur, Malaysia.

Ito ang ibinigay na ‘standard rule’ ni Chairman matapos ang isinagawang pagpupulong ng Task Force SEAG sa pagitang ng PSC at Philippine Olympic Committee (POC).

Kasamang dumalo ni Ramirez sina Commissioner Ramon Fernandez, Celia Kiram, Arnold Agustin, at Charles Raymond Maxey, gayundin sina executive assistant to the Chairman Ronnel Abrenica, Executive Director Carlo Abarquez at Philippine Sports Institute (PSI) administrative director Marc Velasco.

Nakatakda pa ring pinuhin ng joint SEA Games Task Force sa pagpupulong ang iba pang criteria na ilalatag nito sa mga national sports associations (NSA’s) na inaasahang magpapadala ng mga lahok sa kabuuang paglalabanang 38 sports sa biennial meet.

“We only have seven months to prepare that is why we are so thankful that we were able to jumpstart the process,” pahayag ni Ramirez.

Aniya, kung bawat isang NSA ay makapagbibigay ng gintong medalya, sigurado na ang bansa na may 38 gintong mapagwawagihan.

Kabuuang 31 mula sa inaasahang 37 NSA’s ang nakapagsumite na nang kanilang mga kandidatong atleta para sa accreditation ng Malaysia SEA Games Organizing Committee (MASEAGOC) matapos na itakda ang deadline para sa entry by number sa Disyembre 23.

Hindi pa naman kinilala kung sino ang magiging Chef de mission na ninanais ng POC at PSC na isang personahe na maiangat ang kampanya ng Pilipinas na mahigitan ang natapos nitong ikaanim na puwesto dalawang taon na ang nakalilipas sa Singapore sa iniuwi nitong 29 ginto, 36 pilak at 66 tanso para sa kabuuang 161 medalya.

May pitong NSA’s naman ang hindi pa nakakapagsumite ng kanilang komposisyon na kinabibilangan ng bowling, football, badminton, boxing, weightlifting, volleyball at golf. Hindi naman isinali ang sports na futsal.

“This is the time for all NSA to ask ourselves to go to Kuala Lumpur to bring honor or not. We plan to send only the athlete that could win gold and bring honor to the country,” sabi ni Ramirez. (Angie Oredo)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...