Mga Laro Ngayon

(Fil-Oil Flying V Center, San Juan City)

4:15 n.h. -- Phoenix vs Meralco

7 n.g. -- Blackwatervs Globalport

6 koponan nagbabalak ligwakin ang PVL; lilipat daw sa bagong liga?

6 koponan nagbabalak ligwakin ang PVL; lilipat daw sa bagong liga?

TARGET ng Globalport Batang Pier na makihati sa liderato sa pakikipagtuos sa Blackwater Elite sa tampok na laro ng double header sa OPPO-PBA Philippine Cup elimination ngayon sa Fil-Oil Flying V Center sa San Juan City.

Haharapin ng Batang Pier ang Elite ganap na 7:00 ng gabi, asam ang ikaapat na panalo para pantayan ang kasalukuyang solo lider na San Miguel Beermen.

Magtutuos sa pambungad na aksiyon sa 4:15 ng hapon ang Phoenix Fuel Masters at Meralco Bolts.

Huling tinalo ng Batang Pier ang Barangay Ginebra, 91-84, sa pamumuno ni Terrence Romeo na nagtala ng season high 35 puntos, tampok ang 15 sa matikas na ratsada sa final period para mahila ang karta ng Globalport sa 3-1.

Inaasahan ni Globalport coach Franz Pumaren na muling mamumuno para sa Batang Pier si Romeo na aniya'y nagsisimula nang maging isang mahusay na all around player.

"Terrence is a different breed, he' s a really talented player. If you look at how he play's now, he's playing tough defence and he's passing the ball and looking for his open teammates. He's slowly evolving into a good all around player," pahayag ni Pumaren.

Nais naman ng Elite na masakyan ang momentum sa impresibong 96--85 panalo sa NLEX na nagbalik sa kanila sa winning track kasunod nang natamong back-to-back losses matapos ang dalawang sunod na panalo upang makakalas sa five-way tie sa ikatlong posisyon taglay ang 3-2 marka kasama ng Rain or Shine, Alaska, Star at Talk N Text.

Inaasahan ni coach Leo Isaac na magtutuluy- tuloy ang pagpapakita ng team effort ng Elite at mawawala na ang sinasabi nyang pasikatan at kanya- kanyang diskarte ng player.

Sa unang laban, mag- uunahan namang makabalik ng win column at makapagtala ng ikatlo nilang tagumpay ang Phoenix (2-3) at Meralco (2-2).Huling natalo ang Fuel Masters sa kamay ng Tropang Texters, 98-117 habang bigo naman ang Bolts, 79-81, kontra sa Alaska Aces. (Marivic Awitan)