TARLAC CITY - Isang lesbian ang inaresto at nahaharap ngayon sa kasong rape matapos niya umanong abusuhin ang isang 18-anyos na dalaga sa Block 2, Barangay Dalayap sa lungsod na ito, Miyerkules ng hapon.
Sa ulat kay Tarlac City Police Chief, Supt. Bayani Razalan, 18-anyos na babaeng taga-Bgy. Aguso ang hinalay ni “Cathy”, 26, dalaga, ng Block 2, Bgy. Dalayap, Tarlac City.
Nauna rito, inimbita ang biktima ng kanyang kaibigan para bisitahin ang suspek hanggang sa mag-inuman sila at malasing ang dalaga.
Nagpapahinga ang dalaga sa kuwarto nang pasukin umano siya ng suspek at halayin. (Leandro Alborote)
Probinsya
