PINANGUNAHAN ng reigning champion Chiang Kai Shek College ang opening day winner sa 5th Philippine Secondary Schools Basketball Championship MEC Networks Cup nitong Sabado sa SGS Stadium sa Quezon City.
Nanguna si Miguel Oczon na may 22 puntos, habang tumipa si John Galinato ng 19 puntos sa panalo ng Blue Dragons kontra La Salle Greenhills, 85-82, sa Group B.
Nagwagi rin ang NCAA champion Mapua, San Beda, at Arellano.
Hataw si Will Gozum sa natipang 32 puntos, 16 rebound at dalawang block sa 114-58 demolisyon ng Red Robins sa St. Stephen High School sa Group D.
Sa Group C, hinigitan ng San Beda ang Hope Christian High School, 80-72, sa pangunguna ni Evan Nelle na kumubra ng triple-double – 11 puntos, 12 rebound at 11 assist. Tinanghal siyang Freego Best Player of the Game.
'I really love you kuya!' Tapatang Pacquiao brothers, ekis mangyari!
Pinulbos ng Arellano ang Manila Patriotic School, 83-69.
Hataw si Roy Velasco sa Arellano na may 13 puntos.
