Arestado ang isang babae makaraang ireklamo ng pandurukot ng isang accountant sa mismong istasyon ng Light Rail Transit-1 (LRT-1) sa Quiapo, Maynila, kamakalawa ng gabi.
Nahaharap sa kasong theft ang suspek na si Mary Jane Magallanes, 25, ng 7949 San Sebastian Street, Barangay Pinagbuhatan, Pasig City, matapos inguso ng complainant na si K-Anne Josef, ng Bgy. Niugan, Malabon City sa pagtangay sa kanyang iPhone 6S Plus na nagkakahalaga ng P49,500.
Ayon kay SPO4 Noel Villamor, ng Manila Police District (MPD)-Station 3, dakong 8:30 ng gabi nangyari ang insidente sa Carriedo Station ng LRT-1, Rizal Avenue, Quiapo, Maynila.
Nasa naturang istasyon ng tren ang biktima nang tangayin ng suspek ang kanyang cell phone.
Philippine Army, nagbigay-pugay sa opisyal na nagbuwis ng buhay sa MV Trisha Kerstin 3
Kaagad namang nagsumbong sa mga awtoridad ang biktima na nagresulta sa pagkakaaresto sa suspek. (Mary Ann Santiago)
