Pinatawan kahapon ng Office of the Ombudsman ng anim na buwang preventive suspension ang 25 matataas na opisyal ng Philippine Coast Guard (PCG) dahil sa pagkakasangkot sa umano’y maanomalyang paggamit ng pondong aabot sa P67.5 milyon noong 2015.
Kabilang sa sinuspinde sina Vice-Admiral Rodolfo Isorena, Rear Admiral William Melad, Rear Admiral Cecil Chen, Commodores Enrico Efren Evangelista, Jr. at Aaron Reconquista; Commanders John Esplana, William Arquero, Jude Thaddeus Besinga, Roben De Guzman, Angel Lobaton IV, Ferdinand Panganiban, Joselito Quintas, Ivan Roldan, Rommel Supangan, George Ursabia, Jr., Ferdinand Velasco, Wilfred Burgos at Allen Dalangin.
Suspendido rin sina Captains Joeven Fabul, Angelito Gil, Ramon Lopez, Christopher Villacorte, Lt. Junior Grade Mark Franklin Lim II, Lt. Mark Larsen Mariano at ang accounting chief na si Rogelio Caguioa.
Nahaharap ang 25 sa grave misconduct, serious dishonesty at conduct prejudicial to the best interest of the service dahil sa mga iregularidad sa cash advance na umabot sa P67,533 289.73 na ginamit sa pagbili ng office supplies at information technology equipment nang hindi naaayon sa procurement regulations. (Rommel P. Tabbad)
