Nagpatupad ng balasahan sa mga opisyal ng Philippine Drug Enforcement Agency (PDEA) upang higit na mapahusay ang serbisyo ng ahensiya.
Sinabi ni PDEA Director General Isidro S. Lapeña na dumaan sa tamang proseso at maingat na deliberasyon ang reassignments at designation.
Simula nitong Disyembre 1, 2016 ay si Director Ronnie N. Cudia na ang assistant superintendent ng PDEA Academy; si Director Mario D. Ramos ay assistant regional director; si Director Juvenal Azurin ang mamumuno sa PDEA-Region 3; si Director Zoilo Lachica, Jr. ang assistant regional director ni Azurin; habang si Director Edgar S. Apalla ang bagong hepe ng PDEA-Cordillera Administrative Region.
Si Director Gil Cesario P. Castro ang bagong assistant regional director ng PDEA-NCR; si Director Archie Grande sa PDEA-Region 4-A; si Director Jacquelyn L. De Guzman sa PDEA-Regin 4-B; si Director Emerson L. Margate sa PDEA-Region 5; si Director Christian O. Frivaldo ang assistant regional director ng Region 5; at si Director Bryan Babang ang bagong director ng PDEA-Autonomous Region in Muslim Mindanao (ARMM). (Jun Fabon)
