NABASA namin sa Facebook post ni Bernardo Bernardo ang balitang pumanaw na ang mahusay na aktres na si Lolita Rodriguez na matagal nang naninirahan sa Amerika.
Ang pagkumpirma sa pagpanaw ni Ms. Rodriguez ay galing kay Eduardo Perez Blanco na pamangkin ng aktres. Pumanaw sa edad na 81 years old ang aktres.
“Sad day my Grand Aunt iconic Actress Ms. Lolita Rodriguez one of the greatest Philippine Movie Artist of all time passed away last night (Monday), let us pray for her Descanse en Paz Tita Lot.”
Mga Pagdiriwang
World Mental Health Day: Ano nga ba pinagkaiba ng Anxiety, Stress at Depression?
Isa sa pinakamahuhusay na Filipino actress si Ms. Lolita Rodriguez at matatandaan siya sa mga pelikulang Tubog Sa Ginto, Tinimbang Ka Ngunit Kulang, Ina Ka ng Anak Mo, Ina, Kapatid, Anak mula sa direction ni Lino Brocka.
Ginawa rin niya ang Paradise Inn ni Direk Celso Ad Castillo at ang last movie niya ay ang Lucia noong 1993 sa direction ni Mel Chionglo. (Nitz Miralles)
