Kulelat noon, hindi na ngayon.
Marami ang pinahanga ng Adamson Falcons nang makausad sa Final Four ngayong season matapos mangulelat sa nakalipas na taon.
Buhat sa 3-11 pagtatapos noong Season 78, sa paggabay ng kanilang bagong coach na si Franz Pumaren, umangat ang Falcons bilang No.4 seed tagly ang 8-5 marka.
Bagama’t nagawang patiklupin ng nakalabang De La Salle ang kanilang bagwis sa pagtutuos nila sa Final Four round nitong Miyerkules,maituturing silang “over achievers” sa kanilang naitalang performance ngayong Season 79.
#BalitaExclusives: ‘Literal na dumilim ang paligid!’ Singing performance sa Tarlac, nasaktuhan ng rotational brownout!
“It was a good run for us, and I guess we overachieved,” pahayag ni Pumaren kasunod ng natamong 64-69 kabiguan sa kamay ng Green Archers sa Mall of Asia Arena.“This was supposed to be a transition period, but we overachieved.”
“This tournament is an eye-opener for our maturity and experience, but we survived it,” aniya.
At matapos ang kanilang pagiging over-achiever sa taong ito, naniniwala si Pumaren na hindi imposible na matupad niya ang pangakong bigyan ng titulo ang Adamson sa susunod na season.
Marivic Awitan
