CAMP MACABULOS, Tarlac City - Marahas na kamatayan ang sinapit ng isang hinihinalang drug pusher na pinaulanan ng bala ng riding-in-tandem habang nakikipagkuwentuhan sa kanyang mga kaibigan, nitong Huwebes ng hapon.

Kinilala ni SPO1 Aldrin Dayag ang napatay na si Mark Anthony Del Castillo, alyas “Ondeng”, 40, may asawa, ng Bonifacio Street, Barangay San Miguel, Tarlac City.

Masayang nakikipagkuwentuhan ang biktima sa ilang kaibigan nang dumating ang riding-in-tandem at pinagbabaril siya sa iba’t ibang parte ng katawan.

Wala namang nasugatan sa mga kaibigan ni Del Castillo.

Probinsya

64-anyos, natagpuang patay sa dalampasigan sa Samar

Napag-alaman na si Del Castillo ay nasa drug watchlist ng Tarlac City Police. (Leandro Alborote)