KABABALIK lang ni Direk Mark Reyes mula sa ilang araw na bakasyon sa taping niya ng Encantadia. Masayang-masaya siya na sa first taping day ulit nila pagbalik niya ay sinalubong siya ng patuloy na pagtaas ng ratings ng kanilang show gabi-gabi.
Ang isang nagpapasaya nang husto kay Direk Mark ay muli niyang nagpasama-sama ang kanyang mga sang’gre na sina Amihan (Kylie Padilla), Pirena (Glaiza de Castro) Danaya (Sanya Lopez), Alena (Gabbi Garcia), Lira (Mikee Quintos) at si Cassiopea (Solenn Heussaff).
“Mahirap magkasama-sama sa taping ang mga Sang’gre kaya nakakatuwa na this time, sama-sama sila set,” sabi ni Direk Mark. “At as usual masaya sa set dahil kani-kanila sila ng mga gimmick na ginagawa lalo na kung medyo exhausted na sa eksena, kapag action scenes.”
Makeup artist sa CDO, nasawi nang atakihin sa puso habang rumarampa sa stage
Tiyak na aabangan ng Encantadiks ang pag-ere ng kumpletong Sang’gres.
Ano pa ang mga susunod na eksena sa kanyang telefantasya? Marami na kasi ang naiinis kay Hagorn (John Arcilla) na masyado raw gahaman sa kapangyarihan. Pero natutuwa rin naman ang netizens sa nangyayari kay Pirena dahil gayong masyado ring naghangad ng kapangyarihan pero hindi naman pala maipagtatanggol sa kanyang ama.
Marami pang gustong malaman ang netizens sa itatakbo ng istorya ng Encantadia. Ano raw ang mangyayari kay Alena na naging malaking pawikan? Saan ba siya dinala ni Agua na nangakong ibabalik siya sa dating anyo? Saan napunta ang anak nina Alena at Ybarro (Ruru Madrid), na nawala sa kanilang kuta? Ano ang paghihiganting gagawin ni Lilasari (Diana Zubiri) sa mga Sang’gre at matatalo raw ba niya si Hagorn?
Mas interesado rin ang netizens na malaman kung paano maililigtas ni Amihan ang anak na si Lira na nakatago sa bolang kristal? Gusto ring malaman ng Encantadiks kung may magandang pag-iibigang magaganap sa kina Danaya at Aquil (Rocco Nacino). At si Pao Pao, ang batang ligaw na love ng netizens, maibalik kaya nina Amihan at Danaya?
(Nora V. Calderon)
