Oktubre 30, 1974 nang mapatumba ni Muhammad Ali, 32, si George Foreman, 25, sa loob ng walong roundsa laban na tinawag na “Rumble in the Jungle” na idinaos sa Kinshasa, Zaire, upang hirangin bilang heavyweight champion of the world sa ikalawang pagkakataon.
Aabot sa 60,000 katao ang nanood sa nasabing laban, na inorganisa ng West African republic, sa Stade du 20 Mai. Ito ang unang heavyweight championship match na idinaos sa Africa.
