Puentebella, presidente na muli ng Weightlifting-Balita

Puentebella, presidente na muli ng Weightlifting

Iniluklok muli bilang presidente ng Philippine Weightlifting Association (PWA) ang dating Bacolod City Mayor na si Monico Puentebella matapos biglaang magbitiw ang pangulo ng asosasyon na si Roger Dullano sa isinagawang emergency election Biyernes ng umaga sa PSC Lawn Tennis Center.

Tanging ang posisyon lamang ng pangulo na binakante ni Dullano ang pinagbotohan sa ipinatawag na eleksiyon kung saan dinaluhan ni Philippine Olympic Committee (POC) Secretary Steve Hontiveros, na nagsilbing observer.

Agad magsisimula sa kanyang responsibilidad si Puentebella, na dating umupo bilang POC Chairman, na magsisilbi sa natitirang termino ni Dullano na matatapos sa huling araw ng Hunyo 2017.

Mananatili naman sa kanilang posisyon bilang PWA Chairman si Mark Rommel Alino, Vice President Elbert Atilano; Secretary General Dioscoro Himotas; Treasurer Felix Tikinhoy; Auditor Paquito Kit Mortera at ang Board of Trustees na ri Rodrigo Roque na siya din Public Relations Officer.

“Walang nagko-complaint,” sabi lamang ni Hontiveros ukol sa hiniling isagawa na emergency election ng asosasyon sa weightlifting na tanging nakapagbigay ng medalyang pilak sa delegasyon ng Pilipinas sa paglahok nito sa 2016 Rio De Janeiro Olympics na makasaysayang itinala ni Hidilyn Diaz.

Ipinaliwanag ni Hontiveros na ikukunsidera nila ang naganap na eleksiyon kung walang magrereklamo katulad na rin mismo sa naganap na eleksiyon sa Sepaktakraw kung saan nagwagi ang magpapamilya na Tanchangco bilang pangulo, vice-president at secretary.

“Tinanong namin kung may magrereklamo ba dahil ang nanalo sa pagkapresidente ay iyung anak, tapos papalit bilang vice-president iyung tatay saka secretary naman iyung nanay. Wala naman nagrereklamo so wala kaming dapat na resolbahan sa kanilang desisyon,” sabi ni Hontiveros.

Ang Sepaktakraw ay pinamumunuan ngayon ni Karen Tanchangco-Caballero habang ang bise-presidente ay ang ama nitong matagal naging presidente na si Mario Tanchangco habang ang sekretarya ay ang ina na si Airene. (Angie Oredo)

'Unahan ko na kayo!' Jam Magno, kusang sumuko sa CIDG sa Butuan City

Ibinida ng social media personality na si Jam Magno ang kusa niyang pagsuko sa Criminal Investigation and Detection Group (CIDG) sa Butuan City Field Unit dahil sa kasong paglabag umano sa Cybercrime Prevention Act, na may tatlong counts.Ibinahagi na mismo ni Magno sa kaniyang Facebook reels ang voluntary surrender niya sa CIDG habang naka-make-up pa, bago pa raw siya putaktihin sa social...

Courtesy resignation sa gabinete ni PBBM, pinuna ni ex-Bayan Muna Rep. Zarate

Hindi suportado ni dating Bayan Muna Rep. Carlos Zarate ang naging desisyon ni Pangulong Ferdinand 'Bongbong' Marcos, Jr. hinggil sa courtesy resignation sa kaniyang gabinete.Ayon sa pahayag ni Zarate nitong Huwebes, Mayo 22, 2025, pawang pagtatakip lamang daw sa lumalalang kondisyon ng bansa ang naturang malawakang resignation sa hanay ng gabinete ng Pangulo.'President Marcos’...

Vic Rodriguez kay PBBM: 'Kahit magpalit-palit ka pa ng cabinet secretary, ang problema ikaw mismo'

Tila pinatutsadahan ni dating executive secretary Vic Rodriguez si Pangulong Bongbong Marcos, Jr. kaugnay sa direktiba nito na magsumite ng 'courtesy resignation' ang mga miyembro ng gabinete nitong Huwebes, Mayo 22. Matatandaang iginiit ni Marcos, ang naturang direktiba niya ay naglalayong mabigyan siya ng pagkakataon upang suriin ang 'performance' ng bawat...