ARGAO, Cebu – Nasa limang katao ang nasawi, kabilang ang isang buntis at walong taong gulang niyang anak na lalaki, habang 12 iba pa ang nasugatan makaraang mawalan ng preno ang sinasakyan nilang truck hanggang bumulusok sa bangin nitong Martes ng hapon sa bayang ito.
Lulan sa Canter truck ang iba’t ibang gulay at 15 katao, kabilang ang apat na bata, at patungo sa Carbon Public Market sa Cebu City, pasado 1:00 ng hapon nitong Martes, nang mawalan ito ng preno sa Barangay Gutlang.
Bumangga sa puno ng niyog ang truck bago dumiretso sa bangin. Kaagad na nasawi ang buntis na si Jelyn Pescadoro, 29; anak niyang si Jaymar, 8; pamangking si Joven Neri, Jr.; at ang 65-anyos na si Anastacia Geverola.
Kabilang naman sa 12 nasugatan ang truck driver na si Edgar Pescadero at ang helper nitong si Marivic Pescadero. (Mars W. Mosqueda, Jr.)
