KARPOV VS TORRE-Balita

‘Giyera’ sa pagitan ng Russia at Pilipinas, niluluto ng PSC.

May magaganap na ‘giyera’ sa pagitan ng Russia at Pilipinas.

Ngunit, walang dapat ipagamba ang sambayanan dahil ang digmaan ay hindi magaganap sa dahas bagkus sa mapayapa at respetadong pamamaraan.

Ipinahayag kahapon ni Philippine Sports Commission (PSC) Chairman William ‘Butch’ Ramirez na selyado na ang unang hakbang para sa paghaharap nina Russian chess legend Anatoly Karpov at Pinoy pride Eugene Torre – dalawa sa itinuturing chess icon sa kasaysayang sports – para sa isang exhibition/unity match sa Baguio City.

Target ng PSC na maisulong ang programa sa Pebrero.

‘Ito ang pinakamalaking balita, inimbitahan si Grandmaster (Anatoly) Karpov at ilang malalaking pangalan sa chess para lumaban kay Eugene Torre sa exhibition game next year sa Baguio City,” pahayag ni Ramirez.

Ayon kay Ramirez, mismong si Russian Ambassador to the Philippines Igor A. Khovaev, ang nagbigay ng personal na ayuda para maisakatuparang ang ‘Battle Royale’ sa pagitan ng dalawang Grandmaster.

Nagpulong sina Khovaev at Ramirez kahapon sa PSC chairman’s office kung saan pormal na binuksan ng pamahalaan ng Russia ang pakikiisa sa layunin ng Pilipinas na tumaas ang kalidad ng atletang Pinoy.

“This exhibition match symbolizes the unity between the two countries. Kailangan natin ito sa pagpapalakas ng ating programa,” pahayag ni Ramirez.

Sa kabila nang pagreretiro ni Karpov sa international competition, nananatili itong imahe ng chess sa Russia at patuloy na nakikibahagi sa mga programa para sa kaunlaran ng sports.

Tinanghal na world champion si Karpov mula 1975 hanggang 1985 at muling nakuha ang titulo noong 1993 nang umalis sa FIDE (International Chess Federation) ang isa pang pamosong GM na si Garry Kasparov.

Itinuturing ‘GOAT’ (greatest of all time) sa chess si Karpov nang bitiwan ang korona noong 1999 bunsod nang hindi pagkakaunawaan sa FIDE.

Hawak naman ni Torre ang titulong kauna-unahang Grandmaster sa Asya noong 1972 at kamakailan ay tinanghal na pinakamatandang player na nagwagi ng silver medal sa Chess Olympiad. (Edwin Rollon)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...