SAN JUAN, Puerto Rico (AP) – Nanatili bilang pangulo ng World Boxing Organization (WBO) si Francisco ‘Paco’ Valcarcel sa ginanap na 29th world convention ng ikalawang pinakamalaking boxing organization sa mundo nitong Martes.

Binigyan din ng bagong termino sa kani-kanilang posisyon sina first vice-president John Duggan; second vice-president Jacinth Bryan Labega; 4th vice-president Rolando Marcos-Hermoso; treasurer Adolfo Flores at ratings committee chairman and international commissioner Luis Perez.

Pinalitan naman ni Gino Rodriguez bilang 3rd vice-president ang may karamdaman na si Rudy Paz.

Pinangasiwaan ni Championship committee chairman Luis Batista-Salas ang ginawang halalan na nilahukan ng mga kinatawan mula sa 45 miyembrong bansa.

Dalawang Pinoy mountaineers, sumakses sa tuktok ng Mt. Everest

Isa sa unang resolution na pinag-usapan ng executive committee ang posibilidad na ilipat ang WBO headquarter sa Florida matapos mabigo ang organisasyon na makahingi ng tax-exemption sa Puerto Rico.

Nabuo ang WBO sa Puerto Rico noong 1988 at kinikilala ng US federal government bilang ‘non-profit tax-exempt organization’.