Sa kabila ng pagkawala ni Rio Olympics veteran Ian Larriba, nakumpleto ng De La Salle women’s squad ang 14- game sweep ng elimination upang diretsong umusad sa championship round habang naipanalo ng kanilang men’s squad ang dalawang sunod na do-or-die match sa UAAP Season 79 table tennis tournament sa Blue Eagle Gym.
Sa pamumuno ni Donna Gamilla, ginapi ng Lady Archers ang Far Eastern University, 3-2, sa pagtatapos ng elimination upang makapasok sa best-of-three Finals.
Kinailangan naman ng Green Archers, dumaan sa dalawang sunod na playoffs upang panatilihing buhay ang pag- asa para sa target nilang ika-4 na titulo.
Unang tinalo ng De La Salle ang FEU, 3-1,bago ang University of the Philippines, sa dalawamg playoff para sa huling semifinals berth upang maipuwersa ang unang step-ladder duel kontra No. 3 seed University of the East.
Chavit Singson, pangungunahan pagpapatayo ng kauna-unahang PBA Arena?
Ang UST Growling Tigers ang dumuplika ng ginawa ng Lady Archers sa men’s division sa pag-angkin nito ng outright final berth sa bisa ng 14-0 pagtatatapos sa eliminations.
Huling tinalo ng UST ang National University, 3-1,para angkinin ang unang spot sa championship round.
Sa kabila ng kabiguan, nakuha ng Bulldogs ang bentaheng twice-to-beat sa pagtatapos na No.2 sa elimination hawak ang 10-4 baraha.
Tinalo ng Lady Tamaraws ang Tigresses, 3-1, para makamit ang twice-to-beat bonus sa second step-ladder semis match.
(Marivic Awitan)
