Balik sa Cebu ang Pinoy Pride, gayundin ang magkapatid na ‘Prince’ Albert at Jason ‘El Nino’ Pagara.
Ipinahayag ng ALA Boxing promotion na kabilang ang magkapatid sa supporting bout sa Pinoy Pride 39 sa Nobyembre 26 sa Cebu City Coliseum, tampok ang duwelo sa pagitan nina IBF Interim light flyweight champion Milan ‘El Metodico’ Melindo kontra Teerapong ‘Fahlan Sakeerin Jr.’ Uthaida ng Thailand.
Target ni Albert na maibalik ang kumpiyansa matapos ang unang kabiguan na natamo kontra world title contender Cesar Juarez sa pinoy Pride 37 nitong Hulyo sa Las Vegas, habang target ni Jason na makamit ang ika-12 sunod na panalo sa pro career.
Kabilang din sa mapapanood sa fight card ang mga sumisikat na fighter tulad nina bKevin Jake “KJ” Cataraja, Jeo “Santino” Santisima, at Jimmy “Popeye” Paypa.
