PBA: RESBAK!-Balita

Laro Ngayon

(Smart -Araneta Coliseum)

8 p.m. Meralco vs Ginebra

Kings, babawi sa Bolts; three-peat kay Fajardo?

Kung determinado ang Meralco Bolts na masilayan ang liwanag sa tugatog ng tagumpay, ngayon ang tamang pagkakataon upang magpakatatag at tuluyang pahinain ang ‘never-say-die’ Ginebra Kings.

Tangan ang 2-1 bentahe, walang puwang ang kahinaan para makausad nang tuluyang ang Bolts para sa minimithing unang kampeonato sa natatanging pro league sa Asia.

Nakatakda ang Game 4 ng best-of-seven championship series ng OPPO-PBA Governors Cup ganap na 8:00 ng gabi sa Smart-Araneta Coliseum.

“We’re getting closer to where we want to be,” pahayag ni Meralco coach Norman Black sa post-game interview matapos makuha ng Bolts ang 107-103 panalo sa Game Three nitong Miyerkules ng gabi.

”We really wanted to take game 3.Offensively we had a lot more patience,” aniya.

Para kay Kings coach Tim Cone, balik ensayo at pag-aaral ang Kings upang malapatan nang agarang lunas ang malaking kakulangan sa depensa.

“Defensively, we weren’t good,” pag-aamin ni Cone.

“I was upset from the first minute onward. I was upset for 48 minutes. I just don’t think we played to our identity.

If we forgot it, then we’ve got to remember it in a hurry,” aniya.

Hindi naman itinanggi ni import Justin Brownlee na naungusan sila ng karibal, ngunit handa umano ang Kings na makabawi sa mas madaling panahon.

Nagsalansan si Brownlee ng caree-high 40 puntos, tampok ang ala-Stephen Curry three-pointer na nagpalapit sa iskor sa huling 12 segundo.

Samantala,pormalidad na lamang ang hinihintay para maitala ni San Miguel Beer slotman Junemar Fajardo ang kasaysayan sa 41-taon ng liga sa inaasahang pagkopo sa ikatlong sunod na Most Valuable Player (Leo Awards) na ipahahayag bago ang laro.

Tangan ng 6-foot-10 Gilas Pilipinas veteran ang pangunguna sa statistical points at kailangan lamang ang porsiyento sa voting mula sa media, kapwa player at PBA officials para maitala ang ‘three-peat’. (Marivic Awitan)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...