Isinulong ni Senator Bam Aquino ang pagkakaroon ng programa sa mental health para sa mga kabataang Pilipino upang mabawasan ang antas ng suicide at mailayo sila sa droga.
“We should provide troubled, youth with professional support and a place of refuge so they don’t resort to drugs or even suicide,” sabi ni Aquino.
Isinusulong ng panukala ang paglikha ng Mental Health Program para sa mga kabataang edad 15-30 anyos, na ipatutupad ng Department of Health (DOH) katuwang ang Department of Social Welfare and Development (DSWD), Department of Education (DepEd) at Commission on Higher Education (CHED) upang magkaroon ng healthy mind o malusog na pag-iisip ang kabataan.
Itinakda ng World Health Organization (WHO) ang Oktubre 10 bilang World Mental Health Day. (Leonel M. Abasola)
