Kaine at Pence 'di nagpaawat sa VP debate

By Balita Online

October 05, 2016

In FEATURES

FARMVILLE, Va. (AP, Reuters) – Umatake ang Democrat. Gumanti ang Republican.

Walang nagpaawat kina Virginia Sen. Tim Kaine at Indiana Gov. Mike Pence sa nag-iisang vice presidential debate para sa US elections noong Martes ng gabi.

Halos hindi na napansin sina Kaine at Pence sa mainit na bakbakan nina Hillary Clinton at Donald Trump kayat sa 90-minuto nilang paghaharap ay todo-depensa sila sa kanilang mga pangulo.

Naging napakatindi ng kanilang bangayan na madalas ay halos sabay na silang nagsasalita. Tinangka ni Kaine na takutin ang mga botante palayo kay Trump. Sinikap naman ni Pence na ipinta si Clinton na hindi karapat-dapat sa White House at bigong secretary of state ni Obama mula 2009 hanggang 2013.

Ginalit ni Kaine si Pence nang balikan nito ang mga naging pahayag ni dating Republican President Ronald Reagan.

“Ronald Reagan said something really interesting about nuclear proliferation back in the 1980s -- he said the problem with nuclear proliferation is that some fool or maniac could trigger a catastrophic event,” ani Kaine. “And I think that’s who Governor Pence’s running mate is.

Bumuwelta si Pence na: “Senator, senator, that was even beneath you and Hillary Clinton and that’s pretty low.”

Dahil sa madalas na pagsasapawan ng dalawang kandidato para makapuntos, sumabad ang moderator na si Elaine Quijano ng CBS News.

“The people at home can’t understand either one of you when you speak over each other,” aniya.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...