Magkatulong na ilalarga ng University of the Philippines’ College of Human Kinetics (UP-CHK) at Sport Management Council of the Philippines (SportPhil) ang 2016 International Conference on Sport Pedagogy, Health and Wellness –kauna-unahang international academic sporting event sa bansa – sa Nobyembre 18-20 sa Celebrity Sports Plaza at UP Campus sa Quezon City.

May temang “P.E. Plus: Retooling Physical Education and School Sports for Inclusion, Development and Competition,” ang international confab ay lalahukan ng mga lokal at foreign sports experts at educators.

Nakatuon ang pansin ng naturang conference sa kahalagahan ng games, play, at physical activity para sa kaunlaran ng mga kabataan at istudyante at inaasahang magpapalakas sa kaalaman ng P.E. teachers, coaches, instructors, trainers, managers, athletes at sports advocates.

Dalawang Pinoy mountaineers, sumakses sa tuktok ng Mt. Everest

“This year’s conference promises to equip attendees with the latest pedagogy and workshops and will open up opportunities for them to showcase their research papers and posters,” pahayag ni UP-CHK Dean Ronualdo Dizer.

Layunin din ng naturang programa na mapataas ang kalidad ng sports education sa bansa.

Inendoso ang programa na inaasahang lalahukan ng mahigit 1,000 kalahok ng Department of Education, Commission on Higher Education at Asian Council of Exercise and Sports Science, sa pakikipagtulungan ng MILO Philippines, GoldToe at Delos Santos Medical Center.

Ang conference fee ay P4,500 para sa lokal participants, habang P3,000 para sa undergraduate student.

Para sa karagdagang impormasyon, bisitahin ang www.peplus.ph, www.facebook.com/NCSPofficial, o makipag-ugnayan sa +63977 831 8749.