Iniulat ng Philippine Institute of Volcanology and Seismology (Phivolcs) na niyanig ng magnitude 6.5 na lindol ang Mati, Davao Oriental, dakong 6:53 ng umaga kahapon.
Ayon sa Phivolcs, natukoy ang sentro ng tectonic na lindol sa layong 51 kilometro sa silangan ng Mati, at lumikha ng lalim na 38 kilometro.
Naitala naman ang intensity 5 sa Mati, Davao Oriental; Davao City; Tagum City at Island Garden City of Samal sa Davao del Norte; Baganga, Davao Oriental; intensity 4 naman sa General Santos City; Alabel, Glan at Malapatan sa Sarangani; Polomolok, South Cotabato; Butuan City, Governor Generoso at Cateel sa Davao Oriental; Digos City, Davao Del Sur; Jose Abad Santos, Davao Occidental; Braulio Dujali, Davao Del Norte; at Talacogon, Agusan Del Sur.
Intensity 3 ang naramdaman sa Tupi, South Cotabato; Cagayan De Oro City; Gingoog, Misamis Oriental; Malaybalay, Valencia, Maramag, Don Carlos, Quezon at Monolo Fortich sa Bukidnon; Boston, Davao Oriental; Bagumbayan, Sultan Kudarat; at Kiblawan, Davao Del Sur.
64-anyos, natagpuang patay sa dalampasigan sa Samar
Intensity 2 naman ang naitala sa Kidapawan City at Makilala sa North Cotobato.
Sinabi ng Phivolcs na sinundan pa ang pagyanig ng 19 na aftershocks.
Gayunman, tiniyak ng Phivolcs na hindi lilikha ng tsunami ang nasabing pagyanig. (Rommel P. Tabbad)
