UNITED NATIONS (AFP) – Nagpahayag ng galit ang United Nations noong Lunes matapos atakehin ang isang aid convoy sa Syria.
May 18 truck sa 31-vehicle convoy ang tinamaan sa air strike na ayon sa monitoring group ay ikinamatay ng 12 aid worker at driver.
Patungo ang convoy ng UN at Syrian Arab Red Crescent (SARC) sa bayan ng Orum al-Kubra, sa Aleppo province, upang maghatid ng humanitarian assistance sa 78,000 katao.
‘’Our outrage at this attack is enormous,’’ sabi ni UN envoy for Syria, Staffan de Mistura, sa mamamahayag.
#WalangPasok: Class suspensions ngayong Biyernes, Sept. 20
Nanawagan si UN aid chief Stephen O’Brien ng imbestigasyon.
‘’Let me be clear: if this callous attack is found to be a deliberate targeting of humanitarians, it would amount to a war crime,’’ aniya, idinagdag na tinamaan din ng air strike ang isang bodega ng SARC at isang klinika.
Galit din ang United States at idiniin na batid ng Syrian regime at kaalyado nitong Russia ang destinasyon ng convoy at hindi maaaring mapagkamalan ito.
‘’The United States is outraged by reports that a humanitarian aid convoy was bombed near Aleppo today,’’ pahayag ni State Department spokesman John Kirby. ‘’The destination of this convoy was known to the Syrian regime and the Russian Federation. And yet these aid workers were killed in their attempt to provide relief to the Syrian people.’’
Nauna rito, idineklara ng Syrian military na nagwakas na ang truce noong Lunes ng umaga. Inakusahan nito ang mga rebelde ng mahigit 300 paglabag at kabiguang tumalima sa US-Russia deal.
