HINDI pa dumiretso ng uwi si Kris Aquino kasama sina Josh, Bimby at ang “yaya ng mga yaya” nila na si Alvin Gagui gaya ng hunch na sinulat namin kahapon.
Nag-post si Kris last Saturday habang paalis ng Tokyo na “Narita bound” na sila, pero duda kami na hindi pa sila didiretso pabalik ng Pilipinas. True enough, pagkagaling ng Japan ay dumaan sila sa Hong Kong at saka lang bumalik ng bansa.
Inaabangan ng fans ni Kris kung saan siya magti-taping ng kanyang show sa September 22. Dahil APT Entertainment na ang kanyang management, malamang sa Broadway Centrum siya mag-taping dahil kung sa GMA-7, marami ang makakakita sa kanya at agad magli-leak na nagti-taping siya.
Chimpanzee, 7 buwan kinarga naaagnas na labi ng namatay na anak bago binitiwan
Para mas maitago, puwede ring sa bagong studio ng APT Entertainment at TAPE Inc., sa may Marcos Highway mag-taping si Kris.
Hindi lang kami sure kung tapos na ang construction ng studio na ipinagawa ni Mr. Tony Tuviera. Sa naturang lugar nakatakdang lumipat ang Eat Bulaga. (NITZ MIRALLES)
