Nasilayan kahapon ng madaling-araw ng mga Pinoy ang tinatawag na penumbral eclipse sa bahagi Pilipinas.
Sa pahayag ng Philippine Atmospheric, Geophysical and Astronomical Services Administration (PAGASA), nagsimula ang nasabing eclipse dakong 12:54 ng madaling-araw kahapon at dakong 2:54 ng madaling-araw nang masilayan ang peak nito, kung saan tumagal hanggang 4:53 ng madaling-araw.
Paliwanag ni weather forecaster Allan Alcaraz ng PAGASA, ang nasabing astrological phenomenon ay tinawag ding ‘harvest moon eclipse’ kung saan nagre-realign ang planeta, ang araw at ang buwan.
Nilinaw din ng PAGASA na ang natunghayang mistulang ring sa paligid ng buwan ay repleksyon lamang ng mga crystal-like substances sa ulap na nagpapakitang masama ang panahon at nagbabadya ang pag-ulan.
Super Typhoon Ofel, napanatili ang lakas habang nasa northeast ng Echague, Isabela
Tumagal ng tatlong oras at 59 minuto ang eclipse.
Bukod sa Pilipinas, nasilayan din ang penumbral lunar eclipse sa Europa, Asya, Australia at East Africa.
(Rommel P. Tabbad)
