Bumawi ang Letran sa kabiguan sa first singles upang mapataob ang Lyceum of the Philippines University, 2-1, at angkinin ang ikalawang kampeonato sa men’s division ng NCAA badminton tournament sa Rizal Memorial Badminton Hall.
Natalo si Melvin Sarao 7-21, 12-21 kay Francis Ramos sa first singles, bago nakabawi sina Nathali at Nepthali Pineda laban kina Renbert Gustillo at John Paul Carolino sa doubles, 21-12, 21-13, bago ginapi ni reigning MVP Mark Joseph Sabarre si Alex Climaco sa huling singles, 19-21, 21-19, 21-12 para maidepensa ng Letran ang korona.
“It was a team effort,” ayon kay Knights mentor Jojo Mance.
Sa women’s division, tinapos ng Arellano ang anim na taong pagrireyna ng St. Benilde matapos angkinin ang 2-1 panalo sa championship match.
Another gold! Hidilyn Diaz, isa nang guro sa UP Diliman
Sa juniors division, tinalo ng Letran ang CSB-La Salle Greenhills, 2-1,para makapag uwi ng dalawang titulo.
(Marivic Awitan)
