EXCITED na ang AlDub Nation at ang avid viewers ng Encantadia sa pagpasok ni Alden Richards sa epic-serye bilang si Lakan.
Matipid pa ang mga sagot ng production kung sino ba si Lakan, maliban sa sabi’y mula siya sa lahi ng mga Mulawin.
Naglabas sila minsan ng teaser within the episode at ipinakitang isang normal na tao si Alden, pero hindi na iyon nasundan.
Netizens naka-relate, napahugot sa 'Hindi na marami ang tubig ng instant noodles'
Kaya nagkakanya-kanya nang hula ang fans kung sino ang makakatambal ni Alden sa telefantasya, may nagsasabing magiging ka-love team daw si Alden ni Kylie Padilla na siyang gumaganap na reyna ngayon ng kaharian ng Lireo. Pero nang magtanong kami sa production, wala raw ganoon, walang magiging ka-love team si Lakan.
Ayaw ding sumagot si Alden nang tanungin namin kung sino ba si Lakan?
“Secret,” nakangiting sabi ng binata. “Wait na lamang po ang mga televiewers kung sino po si Lakan. Ilang araw na rin akong nagti-taping kaya nagkaroon na ‘ko ng scene na nakasuot ako ng harness at lumilipad. Na-excite po ako sa eksenang ‘yon. Hindi naman po ako nahirapan dahil nakakapagsuot na rin ako ng harness sa mga production numbers ko sa Eat Bulaga.”
Ang huling nalaman namin, sa mundo ng mga tao muna mapapanood si Lakan. Sa istorya ngayon, nasa mundo ng mga tao si Sang’gre Alena (Gabbi Garcia) na hindi kilala ang tunay niyang pagkatao at si Sang’gre Danaya (Sanya Lopez). Sino kaya sa kanilang dalawa ang makikilala ni Lakan? At kailan ba talaga siya lalabas sa show?
“Nagpapasalamat po ako sa GMA-7 dahil binigyan niya ako ng chance na makasama sa epic-serye na noong una pong ipalabas, kasama kong nanonood ang mom ko. Sayang at hindi na niya napanood na isa na ako ngayon sa cast ng Encantadia kahit guest role lamang,” ani Alden. (NORA CALDERON)
