LAKE ELSINORE, California (AP) — Pumanaw nitong Miyerkules (Huwebes sa Manila) si boxing Hall of Fame Bobby Chacon sa edad na 64.

Nasa pangangalaga ng hospisyo si Chacon dulot nang karamdaman na dementia.

Ayon kay Riverside County coroner's Sgt. Brent Seacrest, namatay si Chacon sa kanyang tahanan sa presensiya nang kanyang pamilya at kaibigan.

Nailuklok siya sa International Boxing Hall of Fame noong 2005. Tangan ng dating WBC featherweight at super featherweight champion ang boxing record na 59-7-1, tampok ang 47 knockout sa loob ng 16 na taong pro career.

Bahagi ang pamosong Southern California native sa hindi malilimot at klasikong duwelo sa kasaysayan, kabilang ang panalo kontra kina Rafael "Bazooka" Limon, Cornelius Boza-Edwards, Danny Lopez at Ruben Olivares.

'I really love you kuya!' Tapatang Pacquiao brothers, ekis mangyari!

Nagapi rin niya si Hall-of-Famer trainer Freddie Roach at natalo kina Alexis Arguello at Ray "Boom Boom" Mancini.

"One of the most exciting fighters in the history of the West Coast, an amazing blood-and-guts brawler who took on the best fighters in three divisions," sambit ni Ricky Farris, pangulo ng West Coast Boxing Hall of Fame.

Ipinanganak si Chacon noong Nobyembre 28, 1951. Tinagurian siyang "Schoolboy" matapos pumasok sa pro boxing habang nag-aaral sa Cal State Northridge.