PAWANG Kapamilya shows ang bumuo sa top ten list ng pinakapinapanood na programa sa bansa kaya napanatili pa rin ng ABS-CBN ang pangunguna sa buong bansa nitong nakaraang Agosto sa average national audience share na 47%, o 14 puntos ang lamang sa 33% ng GMA, base sa data ng Kantar Media.

Nangunguna pa rin sa listahan ang FPJ’s Ang Probinsyano na may average national TV rating na 41.2%. Patuloy na sinusubaybayan ng sambayanan ang napapanahong paksa na tinatalakay ng programa kasabay ang magagandang asal na ibinabahagi nito gabi-gabi.

Sinundan ito ng kakatapos lang na The Voice Kids (39.4%) na pinanalunan ng young artist na si Joshua ng FamiLEA; at Dolce Amore (34.5%) na nagtapos na rin.

Mainit ding tinanggap sa primetime ang pagbabalik nina James Reid at Nadine Lustre batay sa naitalang ratings ng kanilang seryeng Till I Met You sa average national TV rating na 28.5% at agad na nakuha ang ikapitong puwesto.

Tsika at Intriga

Carlos Yulo, wala pa raw naibibigay na tulong sa pamilya kahit palihim na abot?

Pasok rin sa top ten ang Wansapanataym (34.1%), TV Patrol (32.7%), MMK (31.8%), Home Sweetie Home (28.2%), Goin Bulilit (27.2%) at TV Patrol Weekend (22.4%).

Pumalo ang ABS-CBN sa average national audience share na 50% sa primetime o 19 puntos ang lamang sa GMA na nakatamo naman ng 31%.

Bukod sa primetime, namayagpag din ang ABS-CBN sa lahat ng time blocks nationwide noong Hulyo. Wagi ang ABS-CBN sa morning block (6AM to 12NN) sa audience share na 41% vs GMA na may 35%; sa noontime block (12NN to 3PM) kung saan nakatamo ito ng 45% kontra 33% ng GMA, at sa afternoon block (3PM to 6PM) kung saan pumalo ito sa 48% audience share vs GMA na may 32%.

Panalo rin ang Kapamilya sa Total Luzon sa average audience share na 41% vs GMA na may 36%; sa Total Visayas kung saan nagtala ito ng 57% vs GMA na may 24%; at sa Total Mindanao sa audience share na 60% vs GMA na mayroon lang 26%.