KABILANG si Tom Rodriguez sa mga artista na willing magpa-drug test para malaman ng publiko at ng kanyang fans na hindi siya gumagamit ng illegal drugs.
“Of course! Yes! I am very much willing in support of President Duterte’s campaign of a drug-free Philippines at linisin ang bansa natin. Pero dapat pare-pareho, dapat standardized at dapat be careful para walang magreklamo,” pahayag ni Tom.
Walang bisyo si Tom maliban sa magtrabaho nang magtrabaho, lalo na ngayong kailangan niyang mag-ipon para sa treatment ng amang may lung cancer. Idagdag na rin ang pag-iipon niya para sa bahay na gustong bilhin sa Subic for his parents.
Libreng kapon sa mga pusang 'Maris' at 'Anthony' ang pangalan, handog ng isang veterinarian
“Kaya sobrang thankful ako sa GMA-7 dahil sa mga trabahong ibinibigay sa akin. May drama series ako na Someone To Watch Over Me na pilot na sa September 5 at may #Like ako na (umere na kahapon, after Eat Bulaga). Ang dapat ko lang gawin ay hindi mapagod at hindi ma-low batt,” sabi ni Tom.
Kasama ni Tom sa #Like na ang tawag ay show ng Internet sensations si Balang. Tinuturuan daw siyang mag-zumba ni Balang at dahil napapasayaw, nawala na ang malaki tiyan niya.
