Grand Slam record victory, napantayan ni Williams.
NEW YORK (AP) — Malayo man sa nakasanayang tikas at porma, nailusot ni Serena Williams ang 6-3-6-3 panalo kontra Vania King nitong Huwebes (Biyernes sa Manila) para pantayan ang career winning record sa professional-era ni Martina Navratilova sa Grand Slam tournament.
Napantayan ni Williams ang 306th career victory ni Navratilova sa kanyang pag-usad sa third round ng US Open.
"I just think it should have been a different scoreline for me. I feel like I made a lot of errors," pahayag ng world No. 1 at top seed. "But, you know, there's nothing I can do about that now. What really matters is I got the win.
Hopefully I'll just get better."
Ateneo, nanawagang itigil na pag-atake sa kanilang student-athletes, managers
Ngunit, kung tutuusin, impresibo na ang laro ni Williams tampok ang 13 ace sa service play na may bilis na 121 mph.
Tangan niya ang 38-4 winner at natalo lamang sa anim na laro bago naitala ang panalo sa loob ng 65 minuto.
"I just didn't have a great day," giit ni Williams.
Sa men’s single match, nakausad si Andy Murray nang gapiin si Marcel Granollers, 6-4, 6-1, 6-4, habang tinanghal si Rafael Nadal ng Spain bilang unang player na nagwagi sa Arthur Ashe Stadium.
Tinalo ng fourth-seeded Spaniard si Andreas Seppi, 6-0, 7-5, 6-1, para makasama ni Murray sa third round.
Umabot sa US$150 million ang ginasta para mapalagyan ng bubong ang pamosong stadium.
