Babaeng atleta, agaw-pansin sa 47th WNCAA-Balita

Sentro ng atensiyon ang mga babaeng atleta, sa pangunguna ng mga pambatong basketball players, sa pagbubukas ng ika-47 edisyon ng Women’s National Collegiate Athletic Association (WNCAA) bukas sa Makati Coliseum.

Panauhing pandangal si three-time UAAP volleyball MVP Alyssa Valdez sa opening ceremony, ayon kay season host St. Jude College School Director Rev. Fr. Vicente Rayco.

“Undoubtedly, she is the most popular player when it comes to volleyball, and her passion for the sports, as well as her perseverance and willingness to win, is a good inspiration and way to motivate our young athletes,” pahayag ni Rayco.

“We want them to improve, strive and be among the best,” aniya.

Samantala, sisimulan ng Centro Escolar University ang kampanya para sa ikaanim na sunod na senior’s basketball title kontra Philippine Women’s University sa tampok na laro sa triplebill match.

Nakatakda ang duwelo ng CEU Scorpions at last year’s third placer PWU Patriots sa ganap na 1:30 ng hapon, kasunod ang salpukan ng University of Asia & the Pacific at Miriam College.

Magkakasubukan naman sa high school division ang Saint Jude Catholic School at St. Stephen’s High School sa ganap na 12:00 ng tanghali Magsisimula ang programa sa ganap na 10:00 ng umaga.

“We’ll try our best to extend our domination in seniors basketball even without Janine Pontejos, who’s now in the Philippine team. We have a new team and two high school students in our lineup,” sambit ni CEU assistant to the vice president student affairs Juanita Alamillo sa press launch nitong Miyerkules.

Nanumpa rin kahapon kay SJCS director Rev. Fr. Vicente Rayco ang WNCAA executive council na binubuo nina Ma. Vivian Manila (executive director), Dolores Fernandez ng St. Paul College Pasig (president), Rene Ledesma ng UA&P (vice president), Ma. Angelica dela Cruz ng San Beda College-Alabang (secretary general), Ma. Patricia Makabenta ng St. Pedro Poveda College (assistant sec. gen.), Bernadine Yamamoto ng De La Salle Zobel (finance officer), Alamillo (asst. finance officer), Yolando Co ng Chiang Kai Shek College (auditor), at Sherwin Tiu ng SJCS (liaison officer).

May 11 sports na ng badminton, basketball, cheer dance, cheer leading, futsal, poomsae, softball, at swimming ang paglalabanan ng 16 na koponan. (Angie Oredo)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...