CUENCA, Batangas - Hinanakit sa sariling ina ang nilalaman ng suicide note ng isang lalaki na nagbaril sa sarili sa Cuenca, Batangas.
Nagbaril umano sa ulo si Danilo Catangay, 50, taga-Barangay Bungahan sa naturang bayan.
Ayon sa report mula sa Batangas Police Provincial Office (BPPO), dakong 7:00 ng umaga nitong Biyernes nang i-report sa pulisya ang pagpapakamatay ni Catangay.
Nakuha umano sa bag ng bikima ang isang sulat na puno ng hinanakit at sumbat sa sariling ina; sinabing hindi siya itinuring na anak at laging sinisiraan.