Limang katao na pawang hinihinalang sangkot sa ilegal na droga ang napatay sa magkakasunod na drug operation ng Manila Police District (MPD) sa buong magdamag.
Sa Tondo, nitong Lunes, dakong 7:40 ng gabi nang mapatay ng mga tauhan ng Delpan Police Community Precinct (PCP) ng MPD-Station 2 ang isang ‘di kilalang lalaki sa Sparkline Road, Gate 14, Parola Compound, Tondo.
Dakong 9:30 ng gabi naman nang makasagupa ng Station Anti-Illegal Drugs (SAID-SOTU) ng MPD-Station 2, sa Barangay 96, Tondo, si Ernesto Salting Jr., alyas “Weng”, 37, ng Roxas Street, Barangay 102, Vitas, Tondo.
Sa Sampaloc, dakong 2:00 ng madaling araw kahapon, dalawang ‘di kilalang lalaki naman ang napatay ng mga pulis matapos umanong manlaban nang maaktuhang humihithit ng shabu.
Dahil sa bagyong Gener: 19 lugar sa Luzon, Signal No. 1 pa rin
Inaalam naman ng mga awtoridad ang pagkakakilanlan ng isang lalaki na napatay ng mga pulis sa isang operasyon sa Jose Abad Santos, sa kanto ng Quiricada St., Tondo, Manila, dakong 2:30 ng madaling araw.
Narekober ng mga pulis mula sa mga napatay na suspek ang 25 pakete ng shabu at limang iba’t ibang uri ng baril.
(Mary Ann Santiago)
