LEGAZPI CITY -- Tuloy ang pag-inog ng suwerte sa Globalport.
Naghabol sa kabuuan ng laro, matikas na naisalba ng Batang Pier ang matikas na hamon ng Rain or Shine Elasto Painters para maitakas ang 101-99 panalo Sabado ng gabi sa OPPO-PBA Governors Cup provincial Tour sa Ibalong Centrum for Recreation dito.
Hataw si Terrence Romeo sa natipang 33 puntos para sandigan ang Batang Pier sa ikatlong sunod na panalo.
Nag-ambag si Jay Washington ng 11 puntos, kabilang ang go-ahead basket na nagbigay ng bentahe sa Globalport sa krusyal na sandali. Magkasosyo ang Batang Pier at Painters na parehong may 3-4 karta.
May cash incentives din; Karl Eldrew Yulo, tumanggap ng ₱500K mula kay Chavit!
Nagawang manalo ng Batang Pier sa kabila ng hindi paglalaro ni Asian import Tyler Lamb.
Naghahabol ang Batang Pier sa 92- 97 may tatlong minuto sa laro, bago nagbaba ng 9-2 run para maagaw ang panalo.
Naisalpak ni Washington ang putback mula sa sariling mintis na tira para sa 100-99 bentahe. Sumablay si Beau Belga sa kanyang jumper, ngunit may pagkakataon pa ang Painters na maagaw ang panalo, ngunit sablay din ang three-pointer ni Jericho Cruz.
Iskor:
Globalport (101) – Romeo 33, Glover 18, Pringle 16, Washington 11, Taha 7, Yeo 6, Mamaril 3, Salvacion 3, Kramer 2, Semerad 2, Dehesa 0, Fortuna 0
RoS (99) – Lowhorn 21, Belga 17, Lee 11, Tiu 10, Almazan 8, Chan 8, Norwood 6, Ahanmisi 5, Ponferada 5, Cruz 4, Quinahan 4
Quarterscores: 25-28, 48-54, 76-81, 101-99
