PINASINUNGALINGAN ng City Health Office (CHO) ang ulat na tumaas ng 100 porsiyento ang kaso ng dengue sa Dagupan City sa unang bahagi ng 2016 kumpara sa naitalang kaso noong nakaraang taon, iniulat ng Philippines News Agency (PNA).
Sa isang press statement nitong Martes, sinabi ni Dr. Windy Balingit- Bernardo, program coordinator ng CHO para sa Dengue Prevention and Control, na taliwas ito sa katotohanan dahil bumaba pa umano ang kaso sa 20 hanggang 30 porsiyento.
“This is based on data provided by the Department of Health (DOH) Regional Office 1 updated as of Morbidity Week 29.
These figures are based on data from the different hospitals in the city which are duly validated and authenticated by designated CHO personnel. The apparent discrepancy in the figures reported may be attributed to a substantial percentage of reported cases being dengue fever suspect patients,” paglilinaw ni Bernardo.
Sinabi rin ni Bernardo na kapag ang isang kaso ng dengue fever ay na-admit na sa isang health care facility sa Dagupan, ang kasong iyon ay hindi awtomatikong marerehistro sa CHO census maliban na lamang kung ang pasyente ay residente ng lungsod o kaya’y nakarehistro ang lugar ng kanyang pinag-aaralan o pinagtatrabahuhan.
“It is a known fact that a reasonably substantial percentage of patients who reside in Pangasinan, La Union, and even the Ilocos Region prefer to seek medical consultation/medication/referral in the city. It is not far-fetched therefore to surmise that at any time, a fairly significant number of patients who consult health care facilities in Dagupan are not actually residents, students or workers indigenous to the area,” pahayag ni Bernardo.
Kinumpirma rin ni Bernardo na ayon sa direktiba ni Mayor Belen T. Fernandez, buong puwersa nang ipinatupad ng CHO ang Dengue Prevention and Control Program sa mga barangay noong Marso sa pamamagitan ng A-B-K-D o Aksyon Barangay Kontra Dengue, 4 o’clock habit at 4S activities.
Nagsagawa na rin ng fogging activities sa mga lugar na pinamumugaran ng lamok.
“Regular house-to-house visits in problematic areas have been conducted to emphasize the need for sanitation and hygienic practices to curb vector proliferation,” sambit ni Bernardo. (PNA)
