Robin, bakit walang posisyon sa Duterte government?

By Balita Online

August 21, 2016

In FEATURES

HINDI pala puwedeng bigyan ng posisyon sa gobyernong Duterte si Robin Padilla dahil sa pagiging ex-convict niya.

Ito ang nalaman ng entertainment press sa solo interview sa actor pagkatapos ng Q and A sa press launch ng Bravo food supplement nitong nakaraang Biyernes ng tanghali.

Tinanong kasi si Binoe kung bakit walang ibinigay na posisyon sa kanya si Presidente Rodrigo Roa Duterte gayong halos lahat ng showbiz personalities na sumuporta rito ay may assignments na.

Bahagyang natigilan si Robin at sabay sabing, “Na-on the spot ako, ah. Ah, ano po ‘yan, eh, hindi naman nawawala ‘yan dahil nasa iisang circle lang kami at isang napakalaking karangalan naman pagka tinatanong ako kung gusto ko (magkaroon ng posisyon).

“Ang usapin lang, eh, puwede ba ako? Una na, kung revolutionary government ito, oo, papayag ako. Pero, hindi, eh.

“Kasi, di ba, ex-convict ako? Ex-convict ako, hindi nga ako nakaboto, eh. Hindi ako puwedeng bumoto, hindi ako p’wedeng humawak ng posisyon,” pagtatapat ng aktor.

Kaya siguradong hindi siya qualified at, “Saka revolutionary government talaga tayo. Hindi ako nagbabago ng stand.

Nu’ng una n’yo akong nakausap, revolutionary government na ako, at hanggang ngayon.” (Reggee Bonoan)

VP Sara sa mga manggagawa: ‘Nawa’y manatili tayong matatag para sa tunay na kaunlaran’

Binigyang-pugay ni Vice President Sara Duterte ang mga manggagawang Pilipino ngayong Labor Day, Mayo 1, at hiniling na nawa’y manatili silang “matatag, matiyaga, at mapagpursige” para sa tunay na kaunlaran at makabuluhang pagbabago sa bansa.Sa isang video message, ipinaabot ni Duterte ang kaniyang pagsaludo sa mga manggagawang Pilipinong patuloy na nagsusumikap upang maabot ang pag-unlad ng...

Grupo ni Teresita Ang See, kinondena pagdawit sa anak ni Anson Que bilang utak sa krimen

Naglabas ng opisyal na pahayag ang Movement for Restoration of Peace and Order (MRPO) laban sa Philippine National Police (PNP) dahil sa pagkakadawit ng anak ng negosyanteng si Anson Que, na si Alvin Que, bilang umano'y mastermind sa pagpapakidnap at pagpaslang sa kaniyang sariling ama noong Abril.Itinuro ng nahuling suspek na si David Tan Liao ang anak na Que na umano'y nasa likod ng...

PBBM, nangakong hindi pababayaan mga manggagawa

“Taimtim ang aming paninindigang kayo ay hindi pababayaan…”Ipinangako ni Pangulong Ferdinand “Bongbong” Marcos Jr. na patuloy na isusulong ng kaniyang administrasyon ang kapakanan ng mga manggagawa at sa pagbuo ng isang lipunang “patas” at “makatarungan.” Sa kaniyang mensahe sa “Labor Day” nitong Huwebes, Mayo 1, kinilala ni Marcos ang bawat hirap at pagsasakripisyo ng mga...