BAMBAN, Tarlac - Isang pulis at tatlong iba pa ang duguang isinugod sa Divine Mercy Hospital matapos bumangga sa kongkretong pader ang sinasakyan nilang Toyota Hi-Lux pick-up sa Sitio Pandan Road sa Barangay Anupul, Bamban, Tarlac.
Sugatan sina PO1 Jose Larry De Yola, Jr., 25, nakatalaga sa Angeles City Police, at residente ng Doña Belen Subdivision, Angeles; Vincent Santos, 19, ng Bgy. La Paz; Nestor Naguit, 23; at Jesler Guinto, 21, ng Bgy. San Nicolas, Bamban.
Minamaneho ng pulis ang pick-up nang biglang may nag-overtake na motorsiklo kaya nawala sa kontrol ang sasakyan hanggang sumalpok sa kongkretong pader ng apartment ni Rhea Sigua, ng Bgy. Anupul. (Leandro Alborote)
Probinsya
