VATICAN CITY (AP) — Nakipagkita si Pope Francis sa 20 kababaihan mula sa anim na bansa na nakalaya sa prostitusyon bilang bahagi ng kanyang mga aktibidad sa Holy Year of Mercy na nakatuon sa mga komunidad na nakaranas ng paghihirap.
Sinabi ng Vatican na ang pagkikita noong Biyernes ay isang panawagan para labanan ang human trafficking, na inilarawan ng santo papa na “an open wound on the body of contemporary society, a scourge upon the body of Christ.”
Ayon sa Vatican, dumanas ang mga babae, ang average age ay tinatayang nasa 30, ng pisikal na karahasan at ngayon ay kinakalinga sa Papa Giovanni XXIII community sa Rome. Nagmula sila sa Romania, Albania, Nigeria, Tunisia, Italy at Ukraine.
“All of the women were the victims of severe physical abuse during their ordeal and are living under protection,” ayon sa Vatican.
