SAN ANTONIO, Nueva Ecija - Sa kagustuhang makatulong sa administrasyong Duterte, ipagkakaloob ng isang opisyal ng Philippine Councilors League (PCL)-Nueva Ecija ang isang limang-ektaryang lupain sa Cabanatuan City para mapagtayuan ng drug rehabilitation and treatment center.
Sa panayam ng Balita kay Reynan Ponce Morales matapos manumpa bilang presidente ng PCL-NE, sinabi niyang balak niyang i-donate ang lima sa 12-ektaryang lupain niya sa Barangay Bakod Bayan sa Cabanatuan para mapagtayuan ng NE-Bespren Rehabilitation & Treatment Center.
Sa tulong ni Gov. Czarina “Cherry” Umali, inaasahang makatutulong ang pasilidad sa pagpapagamot ng hanggang 500 drug dependent sa probinsiya. (Light A. Nolasco)
Probinsya
