TRAFFIC, BAHA AT IBA PA-Balita

MAGPAHANGGANG ngayon ay hindi pa rin natutumbok ng karamihan kung bakit patindi nang patindi ang trapik sa mga pangunahing lungsod sa Pilipinas, halimbawa na lamang ay sa Maynila, Tagaytay, Baguio, Cebu, atbp.

Kadalasang putok ng butsi o bukang bibig ng miron kahit kinauukulan ay kakulangan sa disiplina, sa daan, dumadaming sasakyan. Bagamat tama ang mga nabanggit, ngunit, hindi ito ang puso ng suliranin.

Sabihin na natin biglang magmilagro bukas at ang mga pasaway na driver magkaroon ng disiplina, mawawala na ba ang trapik? Hindi. O bukas makalawa, magpatayo ng maraming fly-over, agad-agad, tapus na ba ang problema? Hindi. Ang siste, kung may fly-over, siguradong bababa rin ang istruktura sa lupa at makikipaggitgitan sa limitadong espasyo.

Liban na lang kung ang buong lungsod ay sasakluban ng fly-over. Ang pagdami ng sasakyan ay patunay na walang humpay ang pagragasa ng populasyon na lumilipat mula lalawigan tungo sa mga pangunahing lungsod kung saan may “pag-asa” – baka sakali, tutuluyan, trabaho o P300 piso araw-araw na paglilimus, o nag-iimbitang kamag-anak dahil libreng pa-ospital, public school, birthday cake, at taunang pera para sa mga senior citizen.

Ang dapat tutukan ng pamahalaan ay paano baligtarin ang pagdaloy papuntang lungsod, at sa halip ay magkaroon ng epektibong programa na “Balik Probinsya”. Sa Cebu City, ipinatutupad na ni Mayor Tomas Osmeña ang pagsuri sa mga senior citizen.

Mga “lumad” ng Cebu City ay walang problema. Subali’t ang “bago at biglang salta” hindi na makatatanggap ng pera.

Tulad sa Maynila, dati-rati ay 19 na pook lang ang binabaha sa Cebu. Sa ngayon ay umabot na sa 200. Dahil ang dating mga estero ay tinayuan na ng mga bagong condominium, may ilang reclamation project na nagpasikip sa natural na daluyan ng baha atbp.

Isang bise alkalde sa Hilagang bahagi ng Cebu ang nagrereklamo dahil sa malaking mall, sa kanto pa ng main highway papuntang tulay sa Mactan pinayagan. ‘Di ba’t hinulma rin mula sa Maynila ang ganyang bulok na estilo?!

Panahon na talaga na magkaroon ng ahensya para sa National Urban Planning and Development. Ang mga tricycle ay dapat ilipat mula LGU papunta sa LTFRB; ‘di payagang bumoto ang walang inuupahang bahay, walang negosyo, o lupa. Sa lalawigan saan sila “lumad” – pwede. (Erik Espina)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...