IPINAGDIWANG ni Pope Francis ang misa nitong Linggo kasama ang mahigit 1.5 milyong pilgrim sa malawak na parang sa Poland, sa pagtatapos ng kanyang emosyonal na pagbisita na ginamitan ng matatalinghagang terminong pangteknolohiya.
Bilang pagkilala sa mundong dominado na ng Internet, hinimok ni Pope Francis ang mga mananampalataya, na dumayo pa sa Poland mula sa iba’t ibang panig ng mundo, “to download the best link of all, that of a heart which sees and transmits goodness without weary”.
“Make the Gospel your own, so that it can serve as a satnav for you on the highways of life,” sabi niya sa misa.
Ang mga aktibong kabataan, boy scouts, mga pari at mga pamilya ay nagkampo sa malawak na Campus Misericordiae (Field of Mercy) malapit sa lungsod ng Krakow bago ang huling misa sa isang-linggong kapistahan ng mga Katoliko. Hinimok ng Papa ang mga nagtipong deboto na pangarapin ang katuparan ng paniniwala “in a new humanity”, isang uri na “rejects hatred between peoples” at “refuses to see borders and barriers”.
Sa eroplano sa kanyang biyahe pabalik sa Rome, sinabi ng Papa na ang Islam ay hindi dapat na iugnay sa terorismo, sinasabing ang mga Katoliko ay maaari ring gumawa ng masama at nagbabala na ang kawalang katarungan sa mga lipunan sa Europe ay nagtutulak sa kabataan nito na umanib sa mga terorista.
“It’s not true and it’s not correct (to say) Islam is terrorism,” aniya, idinepensa ang kanyang desisyon na huwag tukuyin ang Islam kapag kinokondena ang malupit na pagpaslang sa isang Katolikong pari sa France sa pinakabago sa sunud-sunod na pag-atake sa Europe kamakailan, na inako ng grupong Islamic State (IS).
“In almost every religion there is always a small group of fundamentalists. We have them too,” aniya.
Aniya, dapat na mas tingnan ng Europe ang mga kalapit nito, na “terrorism… grows where the God of money is put first” at “where there no other options.”
“How many of our European young have we left empty of ideals, with no work, so they turn to drugs, to alcohol, and sign up with fundamentalist groups?” tanong niya.
Ang huling aktibidad sa pagbisita ay dinaluhan ng “between 2.5 and 3.0 million people,” ayon sa tagapagsalita ng World Youth Day na si Anna Chmura sa AFP. Nasa mahigit 12.5 milyon naman ang bilang ng pulisya ng Poland.
Sa vigil nitong Sabado, binalaan ni Francis na ang teknolohiya ngayon ay may mga panganib, binatikos ang “drowsy and dull kids who confuse happiness with a sofa”, at hinimok niya ang mga ito na lumabas at mamuhay nang normal kaysa mag-aksaya ng panahon sa kanilang smartphones.
Sa makabagbag-damdaming apela sa kabataan sa mundo, sinabi niya na nasa kanila ang pakikipaglaban sa xenophobia at “teach us how to live in diversity, in dialogue, to experience multiculturalism not as a threat, but an opportunity”.
Inihayag ng Santo Papa na ang susunod na World Youth Day ay gaganapin sa Panama sa 2019. (Agencé France Presse)
