Magpapatupad ng price rollback sa Liquified Petrolelum Gas (LPG) ang Petron Corporations sa Agosto 1 ng madaling araw.
Sa anunsyo ng Petron, epektibo dakong 12:01 ng madaling araw ng Lunes, magtatapyas ito ng 70 sentimos sa presyo ng kada kilo ng Gasul at Fiesta Gas, katumbas ng P7.70 na bawas-presyo sa 11 regular na tangke nito.
Bukod dito, magpapatupad din ang Petron ng price rollback na 40 sentimos sa Xtend Auto-LPG na karaniwang ginagamit sa taxi.
Asahan na ang pagsunod ng ibang kumpanya ng langis sa kaparehong bawas-presyo sa LPG kahit hindi pa naglalabas ng abiso ang mga ito.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Ang bagong price rollback ay bunsod ng pagbaba sa presyuhan ng LPG sa pandaigdigang pamilihan.
Sa unang pagtaya ng energy sources, aasahan ng consumers ang 60-80 sentimos na tapyas-presyo sa kada kilo ng LPG katumbas ng P6.60-P8.80 na kaltas sa bawat 11 kilogram na tangke.
Ang bentahan ng regular na tangke ng LPG ay mula P420 hanggang P680. (Bella Gamotea)
